Përbërësit për 8 persona

400 gr petë lazanje me vezë Conad

500 gr mish i grirë i përzierë derri dhe viçi

1 selino

1 karrotë

1 qepë

750 ml pure domate

Pak vaj ulliri ekstra i virgjër

Pak djathë të grirë Parmigiano Reggiano

Pak borzilok

Pak kripë

Për beshamelin

500 ml qumësht

50 gr miell tipi 00

25 gr gjalpë

Pak arrë moskati

1 lugë çaji kripë

Pak piper

 

Përgatitja

Fillimisht përgatisim beshamelin duke ngrohur qumështin në një tenxhere, shtojmë gjalpin, e lëmë derisa të shkrijë, pastaj shtojmë miellin e situr. Vazhdojmë e trazojmë, në zjarr të ulët, derisa të trashet. Shtojmë kripën, piperin dhe arrën e moskatit. E vendosim mënjanë të ftohet.

Përgatisim ragun duke hedhur fillimisht vajin dhe selinonë në një tenxhere, shtojmë karrotën dhe qepën e prerë në copa të vogla, derisa të skuqet dhe më pas mishin e grirë. E lëmë të gatuhet në zjarr të mesëm për 15 minuta. Më pas shtojmë purenë e domates, kripë sipas dëshirës dhe e lëmë të gatuhet edhe për 30-35 minuta në zjarr të ulët, ose derisa salca të trashet. Marrim një enë pjekjeje dhe shtrojmë një shtresë të hollë beshamel, dhe një me salcë ragu, shtrojmë petët e lazanjës, e pastaj përsëri një shtresë beshamel e një shtresë salcë ragu, deri në përfundim të masës.

Në fund e plotësojmë me një shtresë të plotë mishi dhe shumë djathë parmigian të grirë. E pjekim sipas udhëzimeve të gatimit të treguara në paketim. E heqim nga furra dhe e vendosim të ftohet për pak minuta.

Lazanja është gati për t’u servirur!